قال عادى قال ***رجعت الى التصريح الذى زكره ( أتوفستر ) لصحيفة الهدف زاكراً بان الهلال فريق عادى وترتيبه بعد فرقة المريخ والنمور . ***ومن الان . ****فصاعداً وحتى نهاية الموسم ... ***جوتن تاج ...يعنى السلام عليكم بالالمانى ...جوتن تاج يا حاج ... ***كلام ( اتوشخر) كان بكون مبلوع ومهضوم لو اتى تحليله كالاتى:- بمقياس مباريات الممتاز الاخيرة الحظ ان فرقة النمور كانت افضل من الهلال واستطاعت ان تهزمه فى عقر داره كما انها كانت أفضل من فرقتنا اى -المريخ -لانها فرضت علينا التعادل وكانت اقرب للفوز ولولا ان ترفق بنا الحكم وتدخل ابراهومه لعشرين مرة فى داخل الميدان مستنجدا تارة ومرهباً تارات اخر . ***اتوفستر ينام حد الشخير على الكنبة و تزعجه صافرة الحكام بنهاية الشوط الاول والمباراة . ***اقول ليكم حاجه احشوا لى اضنينو قطن ...واعفوه من الولايات ...ولعبوه بالعصر . ***(اتوشخر) ظل فى ثبات عميق طوال الفترة السابقة صامتاً صمت القبور ...وفجأة ...فرفر . ***(اتوفرفر )...خرج عن صمته وليته سكت . ***فرفرة اتو احسب انها فجة الموت ...لقنوه الشهادة انفع لكم وله .فللعمر احكام . ***ايها الكهل .. ...قال عادى قال . ***خطط اتوفستر معروفة من زمن السحارة ...والشلوخ ...ودق الشلوفة . ***عقلية اتوفستر تديك احساس بانه احد الناجين من سفينة نوح ..وشخيره يؤكد انه من اهل الكهف. ***عمنا اتوفستر من زمن المترار ...وزيت الكركار.عشان كدة شغال ينقط زى التيبار . ***(اتوشخر) حتى يدرك ويفهم ما يدور فى فرقته ويتعرف على لاعبيه يكون قد احتضر . ***(اتوشخر )حتى هذه اللحظه لايفرق بين ضفر وبله جابر ولا بين رمضان وامير كمال . ***(اتوشخر )عرف نتيجة مباراة فريقة مع الاهلى بعد اسبوع من المباراة . ***أتوشخر ... استقباله ضارب وارساله منتهى ....عادى انت . ***اتوشخر جوتن مورجن ...يعنى صباح الخير بالالمانى . ***اتو دنقر ...لا يشاهد مبارايات فرقته ويظل ينظر الى أ --- أكثر