الو تلفون مشجع!

*عندما هممت بكتابة العمود وردني إتصال من عاشق أزرق تحدث فيه بغبن ومراراة جعلني اصرف النظر عن الكتابة في فكرتي التي كنت بصدد الكتابة عنها لأتحول (100) درجة مع هذا المتصل ,لا اخفي عليكم ان الرجل كان يتحدث والدموع تغالب عينيه او هكذا خيل الي من نبرته : بادرني بالسؤال بعد السلام : الو سلام يا استاذ مازري : يا اخي الهلال مالو ؟رددت عليه الهلال بخير الحاصل شنو ولا اخفي عليكم ان نبرة الرجل وحديثه اخذتني في متاهات كثيرة حتي خيل الي ان الهلال خرج من ساحة التنافس الافريقي او حدث شئ لم اعرفه بعد! *بدأ الرجل يقول لي تسجيلات الهلال دي عاجباك ؟ فقلت له ما عاجبه اي زول ؟ طيب الناس دي ماله بتعمل فينا كده ؟ حاولت ان اهدئ من غضبه قليلا فقلت له قد تكون النواحي المادية وقلة خبرة لجنة التسجيلات وراء ذلك ؟ فضحك الرجل وقال لي يا استاذ (راعي الضان في الخلاء) لو قولته ليهو سجل لاعب ما كان عمل فينا العملو الان ... نحنا لم نستفد من فترة التسجيلات بالله شوف مازيمبي وشوف الزمالك وكل فرق مجموعتنا عملت شنو ونحنا لسه مع سيرجيو ونلسون وغيرو! *يا استاذنا تسجيلاتنا دي نسوي بيها شنو : قلت له اصبر لتري تسجيلات الهلال القادمة فالهلال حتي الان لم يضم غير لاعب واحد هو سيرجيو البرازيلي وحتي الان تبقي لنا خانتين ان شاء الله تكون اضافات حقيقية للهلال. *قال لي من سجل سيرجيو لا نتوقع منه اي اضافة في كشف الهلال ومن ضيع الزمن في الاوهام لا نتوقع منه اي جديد وصدقني سيكون الحال ياهو نفس الحال : تركت الرجل يتحدث ويعقد مقارناته مابين تسجيلات الهلال وغيره وانا مجبر ان استمع له ففي حديثه ما جعلني استرسل معه فقاطعته قائلا اها غير التسجيلات دي في مشكلة تاني : قال لي كامبوس سمعته بي خبرو مش اتفاوض مع الاهلي وجاب سيرجيو اها ده نتوقع منو حاجه : قلت له هذه امور إدارية وفنية خاصة بالمجلس فلم نسمع ما يؤكد مفاوضات الاهلي مع كامبوس فقال لي بكره تشوف بصراحة كده يا استاذ --- أكثر