فى أمسية رمضانية هانئة عطر هلال العشق الجميل العاصمة والأماسى عندما إلتقى فريق الخرطوم الوطنى فى منافسة الوصول لنهائى لكأس السودان ...وصوم رمضان مقترن برؤية الهلال الذى يخط إسمه بأحرف من نور ولله در القائل *** قلت والناس يرقبون هلالاً ...يشبه الصب من نحافة جسمه *** من يكن مفطراً فذا رمضان ...خط بالنور للورى أول إسمه ... تخطى الهلال فى مشواره فى كأس السودان الزهرة تمبول بسباعية مقابل هدف ...سباعية الغزال وجكسا وبثنائية فى شباك الأهلى العاصمى أحرزها نزار والبرازيلى سيرجيو ... المدرب برازيلى والهداف برازيلى !! عشان كدة الهلالاب يشاهدوا كأس العالم فى البرازيل بمزاااااج ... أما الخرطوم الوطنى فقد فاز على النصر أبوعشر برباعية مقابل هدف وتخطى أمل عطبرة بضربات الترجيح بعد التعادل السلبى ...وكانت مباراة الحسم عندما إلتقى الأولاد والأقمار بأستاد الخرطوم مساء الجمعة .وتقدم الخرطوم الوطنى بهدف مارتن وإنتهى الشوط الأول بهذه النتيجة ..وجاء شوط المدربين الثانى بين المصرى حمزة الجمل والبرازيلى كامبوس وكما يقول مثلنا السودانى ( الخيل الحرة بتجئ فى اللفة ) وبالفعل فاز هلال العشق الجميل بهدفى بشة وسيرجيو ( إنتوا مسؤولين من الخير المريخاب ما قالوا سيرجيو ماسورة !! ) إن شاء الله ماسورة السرور فى كل مباراة يجيب هدف ...طبعاً حبايبنا الحلوين يلعبوا يوم الأحد مع هلال كوستى وطالب هلال كوستى بأن تقام المباراة فى كوستى ورفض المريخ هذه الفكرة وأمر بإقامة المباراة بالخرطوم وتم عرض على الأمر على إتحاد أبناء العمومة الأحمر الذى وافق على طلب المريخ وأصبح يغنى مع حسين الصادق أغنية *** إنت أطلب ياحبيبى ...تلقى كل الدايرو حاضر *** إنت أطلب نور عيوننا ... ونحن بنقول ليك حاضر *** لو طلبت الروح تهون ... إنت طلباتك أوامر *** بس عشان خاطر العيون ...تسوى مليون ألف خاطر... وأسامة عطا المنان يمثل دور الأستاذ السر قدور ويردد ههههه هائل هائل يامريخ !! بالمناسبة المريخ إذا --- أكثر