حفلة للمريخ يا محسنين

مشتاقين لحفلات ناس المريخ وممكن ناس المريخ يعملوا حفله وخلاص ما هم قالوا انهم اجلوا حفلة الكاس الي ما بعد الدوري وممكن يقولوا الحفلة دي عشان جمال سالم او حفله عشان قصات شعر باسكال او حفلة عشان ايمن سعيد جاب بلنتي او حفلة عشان خسارة مطلوقي السراح المهم تكون فرحة في الحفرة الحمراء وياريت يغني فرفور فيها للصباح وانصاف مدني تغني لينا بالدلوكة والله لي المريخ ياولد وجوبا مالك عليا وانت يا مريخنا يا نجم السعد ما بله قال حاجة بسيطه خالص تفرح جماهير المريخ يعني لو ضفر جاب قون بالتسلل ممكن المريخ يعمل حفله او اذا ابوشنب لغي ضربة جزا يعملوا لينا حفلة وتعال يا فرفور وممكن ناس الامن والمخابرات يعملوا لينا حفلة للمريخ لم اتوقع هذه السطحيه الغريبة التي طغت علي عقول اهل المريخ ففي دواخلهم يدركون ان افراحهم منقوصه وفي دواخلهم يدركون ان بطولاتهم منحوسه وفي دواخلهم يدركون ان عقدهم نفسيه وفي دواخلهم يدركون انها لحظات منسية وفي دواخلهم يدركون انها تجمعات فقراء شرق افريقيا وفي دواخلهم يدركون انها كؤوس عمياء وفي دواخلهم يدركون انها ليست المبتغي وفي دواخلهم يدركون انهم كخايب الرجا وفي دواخلهم يدركون انها عقدة النقص امام هلال الكبار وفي دواخلهم يدركون انهم لن يغادروا الوصافه حتي قيام الساعة وفي دواخلهم يدركون انهم في عربية فرملة قطار الابطال وان استطاعوا اقتلاع بطوله هامشيه اسمها كاس السودان وزينوها بالورود والرياحين والاكلاشيهات وركبوا ليها كشافات شركة زين ولكنهم يريدونها فرحة حقيقيه ولكنهم يتجملون وجميعهم يتصنعون واكثرهم يمثلون وبعضهم ينافقون واكثرهم يبكون وعلي وسائدهم دموع عيوتهم يذرفون فكل الضحكات والافراح علي الوجوه هي للاستهلاك المحلي فالمريخ في ظنهم عالمي ولا تكلمني في حين تتقطع قلوبهم --- أكثر