صدر التصنيف الشهرى للكاف للأندية الأفريقية وإذا أردنا أن نعرف ترتيب أندية القمة بين 20 فريق أفريقى إعتاد معظمها أن يصل دورى مجموعات أبطال أفريقيا نجد هلال السودان ضمن الخمسة الأوائل أما المريخ ( الله يطراكم بالخير ) ...معقول الكاف ماعنده إحترام لبطولة سيكافا الأولانية ولا سيكافا الأخرانية !! إنتوا بتتكلموا كيف !! إعلام المريخ عمل لكأس سيكافا شنة ورنة والكلام ده كلو يطلع فالصو !! معقول الإعلام السالب لسه يحاول تخدير الصفوة !! يعنى نفهم من كدة إن سيكافا ( بجلالة قدرها !! ) ماعندها إعتبار عند الكاف !! ياجماعة قولوا كلام غير كدة !! طبعاً التصنيف الذى جعل الهلال ضمن الخمسة الأوائل لأندية القارة السمراء أصدرته جهة محايدة هى الكاف ولم يصدره طه على البشير أو صلاح إدريس أو البرير أو الكاردينال ده تصنيف أصدرته الكاف شخصياً ... وإليكم قائمة الترتيب وعدد النقاط التراكمية خلال سنوات الإنجاز الماضية وهى كالآتى 1/ الأول الأهلى المصرى برصيد 1998 نقطة 2/ الثانى الترجى التونسى برصيد 1433 نقطة 3/ الثالث مازيمبى الكنغولى برصيد 1338 نقطة 4/ الرابع الهلال السودانى برصيد 1089 نقطة ( عفارم عليك يا أبو الهل ) 5/ الخامس النجم الساحلى برصيد 1047 نقطة 6/ السادس القطن الكاميرونى 7/ السابع الصفاقصى 8/ الثامن وفاق سطيف 9/ التاسع أسيك العاجى 10/ العاشرالزمالك المصرى 11/ أنيمبا النيجيرى 12/ الملعب المالى 13/ ليوبارد الكنغو برازفيل 14/دجوليبا المالى 15/ فيتا كلوب الكنغولى 16/ الرجاء البيضاوى 17/ ديناموز هرارى ، أنقروا ترتيب 18 مين !! حاولوا شغلوا مخكم شوية !! أيووووة عليكم نووور صاحب المركز 18 / هو المريخ السودانى ( البتسويها سيكافا أكتر من كدة !!) معقول فريق يلعب مع عزام التنزانى وبندر الصومالى وعايز كمان ترتيب زى الناس !! أكيد بتاعين الشمارات الهلالاب عايزين يعرفوا المريخ عنده كم نقطة !! أقول ليكم حاجة خلوا الطابق مستور نقاط المريخ أقل من نص الألف !! وبالت --- أكثر