تحروا الهلال

مشهد فساد : رئيس اتحاد الدمازين حسين عيسي زايد أتهم اللجنه العليا لكاس السودان بالتصرف في المال العام يعني قروش الحفله سفوها وراحت في ستين داهيه والحمد الله ان الهلال لم يذهب للدمازين وانه بعيد كل البعد عن مسرح الجريمه واليوم اعلنت الشفافيه الدوليه ان السودان ضمن اسوء دول العالم فسادا لم لا فكل يوم تشرق فيه الشمس تفوح علينا روائح الفساد الكريهه من بلادي فساد شديد وسط ادعاء بحكم اسلامي رشيد هل تصدقوا ان الصومال في المؤخره وقبلها السودان هل معقول اللجنه العليا لتنظيم كاس السودان لحست كل دخل نهائي الكاس والظاهر قالوا لنفسهم فريق الشعب ما جاي نضرب القروش وطلعوا وقالوا الهلال هرب هروب شنو يا بابا وحتي لو فرضنا الهلال قد هرب فان القدرة الالهيه ابعدته من الفضيحة الماليه والاداريه والتي قامت به اللجنه المنظمه والاتحاد السوداني وما اروع ان يحفظ الهلال نفسه من التلوث المالي الذي قد يطال كل من شارك في مباراة القمه ومبروك عليهم هذا الكاس الملوث بدم الغلابه وعرق انسان الدمازين الذي جمع قيمة التذكره من قوت يومه ليشاهد قمة نظيفه وخاليه من المؤامرات واكيد التاريخ سيسجل ان الكاس الفطيس فاز به المريخ زورا وفي حفله سفوا كل قروشها ودايرين نعرف مين اللي سف القروش دي ياربي ناس اللجنه العليا ؟ ياربي ناس الاتحاد العام ؟ ياربي ناس المريخ ؟ ياربي ناس منتخب الدمازين ؟ ياربي ناس الهلال سفوها وهم في الخرطوم وقالوا ما حنشارك ؟ مين سف قروش الحفله ؟ والله ومن فضيحة البول الحصاحيصيه وكذبة عبد الصمد والجكومي بقينا ما نصدق زول ما يثير الشكوك ان معتصم جعفر كان قد اصطحب في رحلته الميمونه للدمازين طاقم التحكيم والطائره كانت طائرة جمال الوالي ومعتصم طبعا مريخابي علي السكين فماذآ يعني ذلك ؟ يعني ان المريخ لازم يفوز بكاس --- أكثر