رحم الله ابو العائله : لن تتقدم الكرة في بلادي ما دامت عيون جمال الوالي والمريخ مصوبتان نحو لاعبي الهلال فالمريخ وسيد بيته دائمو التحريض لنجوم الهلال وقد انتقل الكثير من لاعبي الهلال للمريخ وتقريبا نص فريق المريخ من لاعبي الهلال حتي ان احد كتاب الهلال طالب بتسمية المريخ ( بالهلال الاحمر ) يعني همبته وخطف عديل ورغبة اكيده في تدمير الهلال والآن اتفقوا مع تراوري مع علمهم انه قد غادر الهلال لتمرده وتغيبه المتواصل عن التمارين ويقال ان احدا قد قام بتحريضه وتراوري بل شك لاعب ممتاز ولكنه ضعيف شديد امام الدولارات والمريخ قد يسجله وتصفق له جماهيره في الدوري المحلي وده هو المهم عند ناس مزمل والمطبلاتيه الذين يلتفون حول الوالي فهم قادرون علي تصويره وتلميعه وتشبيهه بميسي ولكن حين الوغي وادغال افريقيا قد يتضاءل هذا التراوري امام عتاولة افريقيا ووحدها هي عيون الجنرال كانت الثاقبه وهي من كشفته وجعلته جلوسا في دكة الاحتياط قد لا يهم اهل المريخ كثيرا لماذا غادر تراوري القلعة الزرقاء والمشكلة انهم قد وقعوا في فخ كتاب الهلال حين صوروا لهم الامر بانه مادي وهم يعلمون تماما ان تراوري لو كان مهولا لما تركه الهلال المريخ يا اخوانا شغال بمقولة المرحوم ابو العائله : لو كديسه نطت سور نادي الهلال ناس المريخ حيجيبوا كديسه مخصوص وينططوها سور المريخ انهم دوما كالطفل الذي ينظر بلهفه لما في يد الاخرين الهلال جاب تراوري لازم المريخ يجيبه الهلال جاب كلاتشي لازم يسجلوا كلاتشي الهلال جاب ريكارو لازم يدربهم ريكاردو من مجاهد وهيثم طمبل مرورا باكرم والباشا وكلاتشي وعلاء الدين وانتهاء بهيثم ولم يتركوا حتي ريكاردو والله الهلال مدرسه وفن ولعب وهندسه والحمد لله فما زال بالهلال نجوم تتلالأ محمد عبد الرحمن واطهر الطاهر ومحمد --- أكثر